Nagmamahal, Ang Puno ni Grazel P. Tagumpay, Erra Tagumpay, at Mary Rose Masula

Minamahal kong komunidad,

Una sa lahat, nais ko kayong pasalamatan sa mga mabuting gawain na ginagawa ninyo para sa akin. Ang pagtatanim ng karagdagang maraming puno ay isang malaking tylong sa amin maging sa inyo. Ito ay simpleng gawain lamang ngunit malaki ang magiging pakinabang ninyo dito. Una na riyan ang paglanghap ng sariwang hangin mula sa amin. Nakakatulong din kai sa pagsipsip ng tubig kapag bumabaha. Meron din kaming Lilim na pwede ninyong masilungan kapag kayo’y naiinitan o di kaya kapag kayo ay magpapahinga. Pwede niyo rin kaming gawing Bangka, bahay, papel, at panggatong.

Nagsisilbi din kaming tirahan ng mga ibon at pwede nyo rin kainin ang mga prutas namin. Ngunit bakit sa laki ng pakinabang na natatanggap ninyo mula sa amin ay nagagawa niyo pa rin kaming abusuhin? Pinuputol niyo kami nang illegal kaya naman wala nang natitirahan ang mga ibon at kaunti na rin ang nagiging pakinabang namin.

Ang hiling ko lang sa inyo ay itigil niyo na ang mga illegal na ginagawa ninyo sa amin nang sa ganun ay may malanghap pa rin kayong sariwang hangin at mapakinabangan niyo pa rin kami.

Nagmamahal,

Ang Puno

Sulat ni:

Grazel P. Tagumpay

Erra Tagumpay

Mary Rose Masula