Engkanto: Totoo ba o Paloko?

Ni: Rico Jay G. Espiritu

                Tayong mga Pilipino ay naniniwala sa iba’t-ibang lamang-lupa at mga kababalaghan. Isa na rito ang engkanto. Pinaniniwalaan natin na ang engkanto ay walang philtrum o kanal sa gitna ng butas ng ating ilong. May dalawang uri ang engkanto – ang puti o mabuti at ang itim o masama. Kapag nakapunta ka raw sa tahanan ng mga engkanto, maghahain sila ng kanina. Ang putting kanin at ang itim na kanin. Kapag kinain mo ang itim na kanin, hindi ka na makakanalik sa inyong bahay.

                Ito ay pinatunayan mismo ng aking ama. Nung bata pa siya, si lola ang nag-aalaga sa kanya. Nakita niya mismo na habang nagwawalis si lola, nalingat lang siya nang sandal ay nakita na niyang nakaakyat na si lola sa puno. Ito pa, bago raw mangisda sina papa at lolo, may binibigkas raw na orasyon si lola kaya pag-uwi nila galing sa dagat ay marami ang kanilang huli. Taggutom noon. Kailangan na kailangan daw nila ng pera. Lumabas at pumunta raw si lola sa isang malaking puno at sa ilalim nito, sinimulan niyang maghukay. Nagkaroon siya ng mga sugat sa kanyang kamay at nakuha niya ang isang ginto. Marami rin daw nagpapagamot sa kanya galing sa ibang lugar gaya ng mga taga-Antique. Nang namatay na si lola, napansin raw ni papa na may biglang pumapasok na putting anino at pagkalabas nito, sinusundan naman ng itim na anino. Nang inilibing na si lola, hindi na raw pinatagal at minadaling ilibing.

                Sa mga karanasang ito, pinaniwala ako na may engkanto talaga. Huwag na huwag nating gambalain ang mga lamang-lupa para di tayo mahirapan sa ating buhay. Hindi naman ako natakot pero tumatak sa aking isipan na may engkanto talaga.